Tildra V neck opin peysa

Tildra er prjónuð ofan frá og niður, sem þýðir að byrjað er að fitja upp á hálsmáli. Peysan er heilmunstruð. Peysan er opin og er prjónuð fram og til baka. Hnappalistar eru prjónaðir eftir á með tvöföldu prjóni. Bil á milli stærða er nokkuð langt. Ef manni langar í stærð á milli, þá er hægt að prjóna peysuna á 4.5 mm prjóna og ná prjónfestunni 18/10 á 4.5 mm og þá minnkar hver stærð um 4 – 5 cm í yfirvídd, eða prjóna hana á 5.5 mm prjón og þá verður prjónfestan 16/10. Allar stærðirnar eru prjónaðar á 5 mm, nema sú stærsta hún er prjónuð á 5.5 mm prjóna. 

Gott er að hafa í huga að Tildra er ekki einföld peysa og maður þarf að hafa að minnsta kosti miðlungs kunnáttu í prjóni til að prjóna hana <3

Stærðir: XS - S, (M - L), XL – 2XL, (3XL), 4XLarge, (5XLarge).
Yfirvídd: 100, (116), 128, (140), 149, (160) cm.
Prjónfesta: 17/10 á 5 mm. prjóna

Prjónar:  Sokkaprjónar 4.5 mm og 5 mm, langur hringprjónn 4 mm, 4.5 mm, 5 mm

Garntillögur: Knitting for Olive heavy Merino eða Pascuali Alpaca Fino eða Dottir Dyeworks Organic Merino DK eða Cascade 220

Garnmagn: 400, (500), 500, (600), 600, (700) g