Tildra Chunky Lokuð

Tildra er prjónuð ofan frá og niður, sem þýðir að byrjað er að fitja upp á hálsmáli. Peysan er heilmunstruð. Af því stökkið á milli stærða getur verið ansi langt, þá stemmir munstrið í sumum stærðum og öðrum ekki, það er að segja að í nokkrum stærðum þá eru auka lykkjur undir handvegi sem eru prjónaðar sem slétt og brugðið en ekki í munstrinu.

Þær stærðir sem munstrið gengur upp í eru XS, M, 2XL og 4XL. Það er líka hægt að stækka stærðir á annan hátt, eins og með því að fara upp á 9 mm prjóna og ná prjónfestunni 11/10 og þá eruð þið komin upp um 1 stærð. Í uppskriftinni er þó miðað við að allar stærðir séu prjónaðar á 8 mm prjóna.

Tildra er ótrúlega fljótprjónuð og skemmtileg peysa :)

Stærðir: Xsmall, (Small), Medium, (Large/XLarge), 2XL, (3XL), 4XL, (5XL)
Yfirvídd: 99, (107), 116, (123), 133, (140), 150, (157) cm.
Prjónfesta: 12/10 á 8 mm. prjóna

Prjónar: Sokkaprjónar 7 mm og 8 mm, langur hringprjónn 6 mm, 7 mm og 8 mm.  

Garntillögur: Dottir Dyeworks Worsted Highland og Holst Tides eða tvöfaldur þráður BC Shetland wool og Isager alpaca 2

Garnmagn: Dottir Dyeworks Worsted Highland: 300, (300), 400, (400), 400, (500), 500, (500) g

Holst Tides: 150, (150), 150, (150), 150, (200), 200, (200) g 

BC Shetland: 200, (250), 250, (300), 300, (350), 350, (400) g

Isager Alpaca 2: 150, (150), 150, (150), 200, (200), 200, (200) g